Для наведвальнікаў філіяла “Дзіцячая бібліятэка” прайшоў гістарычны экскурс “Гісторыя Бераставіччыны ў фотаздымках”. Бібліятэкар пазнаёміла дзяцей з выставай фотаздымкаў “Фотаімгненні для нашчадкаў” і расказала пра помнікі архітэктуры, старажытныя вуліцы і побыт бераставічан. Дзеці наведалі партрэтную галерэю знакамітых людзей Бераставіцкага краю.

Супрацоўнікі філіяла “Дзіцячая бібліятэка”падрыхтавалі для дзяцей чарговую цікавую пазнавальна –гульнёвую праграму “Лета на бібліятэчным востраве”, якая праходзіла на тэрыторыі летняга амфітэатра. Хлопчыкі і дзяўчынкі ўдзельнічалі ў розных конкурсах, віктарынах, гульнях. Мерапрыемства падарыла дзецям добры настрой.

Супрацоўнікі раённай бібліятэкі і філіяла “Дзіцячая бібліятэка” зноў запрасілі ў госці самых актыўных і дапытлівых на бібліятэчную пляцоўку “Дворык, які чытае”.

12 чэрвеня адбылося адкрыццё бібліятэчнай пляцоўкі “Читающий дворик”. Першымі наведвальнікамі сталі мамы са сваімі маленькімі дзеткамі. Работнікі раённай бібліятэкі імя В.М.Кавалеўскага сумесна з бібліятэкарамі філіяла “Дзіцячая бібліятэка” прапанавалі шмат гульняў (малюнкі на асфальце, кіданне мяча ў кальцо, дарц, выстава дзіцячай літаратуры, шашкі і іншыя ). Дзяўчынкі малявалі на асфальце, хлопчыкі гулялі ў настольны футбол. Мамы с задавальненнем чыталі часопісы, у той час, калі іх дзеткі былі заняты гульнямі. Дзеці не толькі гулялі, але ж і наведалі “Літаратурны пікнік”, пазнаёміліся з цікавымі дзіцячымі выданнямі. У канцы мерапрыемства ўсе атрымалі салодкія пачастункі і прызы – кніжкі і размалёўкі.